नागपूर येथे ७५ प्रकारांच्या तांदूळापासून ७५ भाताचे प्रकार करण्याचा संकल्प

भारताच्या स्वातंत्राला ७५ वर्ष पूर्ण होत आहे त्यानिमित्ताने ७५ प्रकारांच्या तांदूळापासून ७५ भाताचे प्रकार करण्याचा संकल्प विष्णू मनोहर, या कार्यक्रमाचे आयोजन,दिनाक.17 जुलै रोजी

National Media News 13/07/2022 Maharshtra

नागपूर दिनाक 13 जुलै:- आतापर्यंत जवळपास ११ विश्व विक्रम केले आणि यावर्षी भारताच्या स्वातंत्राला ७५ वर्ष पूर्ण होत आहे त्यानिमित्ताने ७५ प्रकारांच्या तांदूळापासून ७५ भाताचे प्रकार करण्याचा संकल्प विष्णू मनोहर यांनी केलेला आहे. हा संकल्प पूर्ण करण्यात त्यांना ५ तासाचा कालावधी लागेल. हा कार्यक्रम दिनांक १७ जुलै २०२२ रोजी सकाळी ९ ते दुपारी २ पर्यंत विष्णूजी की रसोई, सेंट्रल बाजार रोड, बजाज नगर चैक, नागपूर येथे होणार आहे. प्रत्येक भात जवळपास ५ किलो तयार केला जाणार आहे, म्हणजेच एकूण ३७५ किलो भात यावेळात तयार होईल. हा तयार झालेला भात सर्व खवय्यांसाठी मोफत वितरीत केला जाणार आहे. यातील काही भाग हा विशिष्ट मुलांच्या शाळा, अनाथ आश्रम, वृद्धाश्रम, अंधवि़द्यालय इत्यादी ठिकाणी वितरीत केला जाणार आहे. ७५ प्रकारच्या तांदूळाचे वाण गोळा करणे हे काही सोपे काम नाही त्याकरीता लातूरचे आमचे मित्र दिनेश मित्तल (मित्तल राईस वल्र्ड) याचे मोलाचे सहकार्य लाभले आहे. असे ७५ प्रकारचे तांदूळ लोकांना बघायला सुद्धा मिळणार आहेत. तांदूळाचे नाव, जात, प्रदेश आणि यापासून कुठला पदार्थ तयार होत आहे यांची विस्तृत माहिती लोकांना पुरविण्यात येईल. त्याचवेळी विष्णूजी याच तांदूळापासून भाताचे प्रकार तयार करत असतील. या कार्यक्रमाचा लाभ घेण्यासाठी लोकांनी आपले घरचे डब्बे सोबत आणावे.(दि.13जुलै 2022)