नागपूर बनत आहे महाराष्ट्रातील नवीन गुंतवणूक केंद्र

गेल्या तीन वर्षांत शहरातील म्युच्युअल फंडची व्यवस्थापनाखालील मालमत्ता (AUM) दुप्पट झाली आहे. ही वाढ केवळ नागपूरच्या विस्तारत असलेल्या अर्थव्यवस्थेचेच

National Media News 25/06/2026 Maharshtra

नागपूर, 25 जून 2026 : नागपूर हे शहर महाराष्ट्रातील वेगाने विकसित होत असलेल्या गुंतवणूक केंद्रांपैकी एक म्हणून पुढे येत आहे. गेल्या तीन वर्षांत शहरातील म्युच्युअल फंडची व्यवस्थापनाखालील मालमत्ता (AUM) दुप्पट झाली आहे. ही वाढ केवळ नागपूरच्या विस्तारत असलेल्या अर्थव्यवस्थेचेच नव्हे, तर नागपूरकरांमध्ये वाढत असलेल्या आर्थिक जागरूकतेचे आणि गुंतवणुकीतील वाढत्या सहभागाचेही प्रतीक आहे. नागरिक आता दीर्घकालीन संपत्ती निर्मितीसाठी म्युच्युअल फंड आणि एसआयपी (SIP) सारख्या योजनांना अधिक पसंती देत आहेत. नुकत्याच झालेल्या नागपूर दौऱ्यात बोलताना ए. बालासुब्रमण्यन मॅनेजिंग डायरेक्टर आणि सीईओ, आदित्य बिर्ला सन लाइफ एएमसी लिमिटेड यांनी महाराष्ट्रातील म्युच्युअल फंड क्षेत्राच्या वाढीत नागपूरचे योगदान सातत्याने वाढत असल्याचे सांगितले. तसेच नागपूर हे देशातील सर्वात वेगाने वाढणाऱ्या म्युच्युअल फंड बाजारांपैकी एक बनल्याचे त्यांनी नमूद केले. मध्य भारताची व्यावसायिक आणि औद्योगिक राजधानी म्हणून ओळख असलेले नागपूर आता हळूहळू एक महत्त्वाचे आर्थिक केंद्र म्हणूनही विकसित होत आहे. शहरातील उद्योजक, व्यावसायिक, नोकरदार, सरकारी कर्मचारी आणि तरुण गुंतवणूकदारांची वाढती संख्या मजबूत गुंतवणूक संस्कृती निर्माण करण्यास हातभार लावत आहे. वाढते उत्पन्न वाढणारे व्यावसायिक व्यवहार आणि आर्थिक नियोजनाबाबत वाढती जागरूकता यामुळे अधिकाधिक कुटुंबे नियमित गुंतवणूक करून दीर्घकालीन संपत्ती निर्माण करण्याकडे वळत आहेत. गेल्या काही वर्षांत नागपूरमध्ये म्युच्युअल फंडांमधील गुंतवणुकीत, विशेषतः सिस्टेमॅटिक इन्व्हेस्टमेंट प्लॅन (SIP) माध्यमातून लक्षणीय वाढ झाली आहे. आर्थिक सल्लागार आणि तज्ज्ञांच्या मते, गुंतवणूकदारांमध्ये वाढलेली जागरूकता डिजिटल गुंतवणूक प्लॅटफॉर्मची सहज उपलब्धता आणि शिस्तबद्ध गुंतवणूक तसेच चक्रवाढीच्या फायद्यांविषयी नागपूरकरांमध्ये वाढलेली वाढती समज यामुळे हा सकारात्मक बदल दिसून येत आहे. नागपूर हे नेहमीच वेगाने वाढणारे बाजारपेठेचे केंद्र राहिले आहे. खरं तर येथे इक्विटी गुंतवणुकीची संस्कृती अनेक इतर शहरांपेक्षा अधिक मजबूत आहे कारण येथील गुंतवणूकदारांना दीर्घकालीन बचतीचे महत्त्व आणि चक्रवाढीच्या फायद्यांची चांगली जाण आहे. नागपूर हे देशातील सर्वात वेगाने वाढणाऱ्या बाजारांपैकी एक आहे आणि माझ्या मते, पुढील काळातही ही वाढ कायम राहील,” असे बालसुब्रमण्यन यांनी सांगितले. त्यांनी सांगितले की, महाराष्ट्र हे अद्यापही आदित्य बिर्ला सन लाइफ एएमसीसाठी सर्वात महत्त्वाच्या बाजारांपैकी एक आहे. महाराष्ट्र आणि गोवा (ROMG) विभागातील म्युच्युअल फंडची एकूण मालमत्ता सध्या जवळपास 5 लाख कोटी रुपयांपर्यंत पोहोचली आहे. यावरून महानगरांव्यतिरिक्त इतर शहरांमधील गुंतवणूकदारांचाही म्युच्युअल फंडांमध्ये मोठ्या प्रमाणात सहभाग वाढत असल्याचे दिसून येते. बालसुब्रमण्यन यांनी पुढे सांगितले की, भारतातील म्युच्युअल फंड उद्योगात मोठा बदल होत असून गुंतवणुकीची वाढ आता केवळ मुंबई आणि पुण्यापुरती मर्यादित न राहता नागपूरसारख्या वेगाने विकसित होत असलेल्या शहरांकडेही वळत आहे. शहरातील सुरू असलेली पायाभूत सुविधा विकासकामे, सुधारलेली कनेक्टिव्हिटी, औद्योगिक विस्तार आणि वाढते कौटुंबिक उत्पन्न यामुळे दीर्घकालीन गुंतवणूक वाढीसाठी मजबूत पाया तयार होत आहे. बालसुब्रमण्यन यांनी सांगितले की, नागपूरमधील तरुण आणि प्रथमच गुंतवणूक करणाऱ्या नागरिकांमध्ये म्युच्युअल फंडांबद्दल वाढत असलेली रुची ही अत्यंत सकारात्मक बाब आहे. निवृत्ती नियोजन, मुलांचे शिक्षण, स्वतःचे घर खरेदी करणे आणि दीर्घकालीन संपत्ती निर्माण करणे यांसारखी आर्थिक उद्दिष्टे साध्य करण्यासाठी म्युच्युअल फंड हा प्रभावी पर्याय असल्याचे अनेक तरुण गुंतवणूकदार मानू लागले आहेत. गुंतवणूकदारांच्या बदलत्या प्रवृत्तींबाबत बोलताना त्यांनी सांगितले की, एसआयपी (SIP) विषयी वाढती जागरूकता नागपूरमधील अधिकाधिक व्यक्ती आणि कुटुंबांना नियमित व शिस्तबद्ध गुंतवणुकीची सवय लावण्यास प्रोत्साहित करत आहे. यशस्वी संपत्ती निर्मितीसाठी गुंतवणूकदारांनी दीर्घकालीन दृष्टीकोन ठेवणे आवश्यक असून, अल्पकालीन बाजारातील चढ-उतारांवर प्रतिक्रिया देणे टाळावे, असे त्यांनी स्पष्ट केले. देशाच्या अर्थव्यवस्थेबाबत आपले मत व्यक्त करताना बालसुब्रमण्यन यांनी सांगितले की, जागतिक पातळीवरील अनिश्चितता असली तरी भारताची आर्थिक पायाभूत स्थिती मजबूत आहे. त्यामुळे गुंतवणूकदारांनी अल्पकालीन बाजारातील चढ-उतारांवर लक्ष देण्याऐवजी मालमत्तेचे योग्य वाटप, विविधीकरण आणि उद्दिष्टांवर आधारित गुंतवणुकीवर भर द्यावा. भारताची अर्थव्यवस्था सुमारे 4 ट्रिलियन डॉलरवरून 10 ट्रिलियन डॉलर अर्थव्यवस्थेकडे वाटचाल करत असताना, योग्य आर्थिक नियोजन आणि म्युच्युअल फंडांसारख्या बाजाराशी निगडित गुंतवणूक पर्यायांमध्ये सातत्याने सहभाग ठेवणे हे दीर्घकालीन संपत्ती निर्माण करण्यासाठी महत्त्वाचे ठरणार आहे. वाढता गुंतवणूकदार वर्ग आर्थिक साक्षरतेत होत असलेली वाढ आणि शिस्तबद्ध गुंतवणुकीकडे वाढता कल यामुळे नागपूर हे महाराष्ट्रातील दीर्घकालीन संपत्ती निर्मितीसाठी सर्वाधिक आशादायी केंद्रांपैकी एक म्हणून उदयास येत आहे. येत्या काळातही राज्यातील म्युच्युअल फंड क्षेत्राच्या वाढीमध्ये नागपूर महत्त्वाची भूमिका बजावेल, अशी अपेक्षा आहे.