लता मंगेशकर हॉस्पीटल येथे अत्याधुनिक जिमनॅशियम व भव्य रेस्टॉरेंटचे उद्घाटन संपन्न

एनकेपी साळवे वैद्यकीय महाविद्यालय व लता मंगेशकर हॉस्पीटल, डिगडोह हिल्स, हिंगणा रोड, नागपूर येथे माजी प्रख्यात क्रिकेटपटू श्री. प्रशांत वैद्य यांच्या शुभहस्ते नुकतेच एका अत्याधुनिक जिमनॅशियमचे उद्घाटन करण्यात आले. तसेच माजी आमदार व व्हीएसपीएम अकॅडेमी ऑफ हायर एज्युकेशन, नागपूर या संस्थेचे कार्यकारी अध्यक्ष डॉ. आशिष देशमुख यांच्या शुभहस्ते सर्व सोयीयुक्त एका भव्य रेस्टॉरेंटचे उद्घाटन

National Media News 07/08/2021 Maharshtra

 नागपूर दि.07ऑगष्ट:- एनकेपी साळवे वैद्यकीय महाविद्यालय व लता मंगेशकर हॉस्पीटल येथे अत्याधुनिक जिमनॅशियम व भव्य रेस्टॉरेंटचे उद्घाटन संपन्न. माजी प्रख्यात क्रिकेटपटू श्री. प्रशांत वैद्य यांच्या शुभहस्ते उद्घाटन संपन्न. विदर्भातील एकमेव अत्याधुनिक जिम संपूर्ण फिटनेससाठी समर्पित. डॉ. आशिष देशमुख व डॉ. आयुश्री देशमुख यांची प्रमुख उपस्थिती. एनकेपी साळवे वैद्यकीय महाविद्यालय व लता मंगेशकर हॉस्पीटल, डिगडोह हिल्स, हिंगणा रोड, नागपूर येथे माजी प्रख्यात क्रिकेटपटू श्री. प्रशांत वैद्य यांच्या शुभहस्ते नुकतेच एका अत्याधुनिक जिमनॅशियमचे उद्घाटन करण्यात आले. तसेच माजी आमदार व व्हीएसपीएम अकॅडेमी ऑफ हायर एज्युकेशन, नागपूर या संस्थेचे कार्यकारी अध्यक्ष डॉ. आशिष देशमुख यांच्या शुभहस्ते सर्व सोयीयुक्त एका भव्य रेस्टॉरेंटचे उद्घाटन करण्यात आले.  श्री. प्रशांत वैद्य यांनी या अत्याधुनिक जिमनॅशियम व भव्य रेस्टॉरेंटची मुक्तकंठाने प्रशंसा केली. एनकेपी साळवे वैद्यकीय महाविद्यालय व लता मंगेशकर हॉस्पीटलच्या परिसरात संपूर्ण शारीरिक फिटनेसची ही एक चांगली संकल्पना असून याचा लाभ सर्वांनी घ्यावा. शरीर तंदुरुस्त असेल तर सर्व काही शक्य आहे, आहे ते म्हणाले. त्यांनी सर्वांना शुभेच्छा दिल्या.       डॉ. आयुश्री आशिष देशमुख यांच्या अथक प्रयत्नांतून हे अत्याधुनिक जिमनॅशियम व भव्य रेस्टॉरेंट साकार झाले आहे. प्रास्ताविक करतांना त्या म्हणाल्या, ६०९० चौ.फुट क्षेत्रफळाचे हे वातानुकुलीत जिमनॅशियम अत्याधुनिक सोयींनी सुसज्जित असून विदर्भातील एकमेव जिमनॅशियम म्हणून याची ओळख होणार आहे. सर्वच वयोगटातील लोकांसाठी एकाच छताखाली संपूर्ण फिटनेससाठी हे अत्याधुनिक जिमनॅशियम सुरु केले आहे. ६१५० चौ.फुट क्षेत्रफळाचे भव्य कॅन्टीन/रेस्टॉरेंट हे सुद्धा संपूर्ण वातानुकुलीत असून याची जोड फिटनेससाठी आवश्यक पोषक आहार व आपल्या आवडत्या पदार्थांसाठी मिळणार आहे.    अत्याधुनिक जिमनॅशियम व भव्य रेस्टॉरेंट सर्व डॉक्टर्स, विद्यार्थी व सर्वांसाठी उपलब्ध असून याचा लाभ संपूर्ण शारीरिक तंदुरुस्तीसाठी मिळणार आहे. जिमची वेळ सकाळी ६ ते ११ वाजेपर्यंत असून यात योगा विशेषज्ञ, आहारतज्ञ, फिजिओथेरपी तज्ञ, अनुभवी ट्रेनर यांचे मार्गदर्शन मिळणार असून येथील बहुतांश अत्याधुनिक उपकरणे विदेशातून मागविण्यात आली आहेत. काही आधुनिक उपकरणे दुर्मिळ असून ती फक्त याच जिममध्ये उपलब्ध आहेत. संपूर्ण फिटनेसच्या दृष्टीने हे जिम समर्पित करण्यात येत असून याचा मोठ्या प्रमाणात लाभ घ्यावा, असे आवाहन डॉ. आशिष देशमुख यांनी शेवटी केले.        यावेळी डॉ. भाऊसाहेब भोगे, श्री. सुधीर देशमुख, एनकेपी साळवे वैद्यकीय महाविद्यालयाचे अधिष्ठाता डॉ. काजल मित्रा, डॉ. विलास ठोंबरे, डॉ. नितीन देवस्थळे, व्हीएसपीएम दंत महाविद्यालाच्या अधिष्ठाता डॉ. उषा रडके, डॉ. मनीषा देशपांडे, डॉ. आशा शिमगेकर तसेच विविध विभागांचे शिक्षक, शिक्षकेतर कर्मचारी यावेळी उपस्थित होते. डॉ. काजल मित्रा यांनी आभार प्रदर्शन केले. (दि.07 ऑगष्ट 2021)