चाईल्ड हेल्पलाईन व कॅफे संस्थेच्यावतीने गरजू विद्यार्थ्यांना शिक्षणासाठी टॅबचे वितरण

चाईल्ड हेल्पलाईन व जिल्हा विधी सेवा प्राधिकरण तथा चाईल्ड ॲडाप्शन फॉर एज्युकेशन (कॅफे) स्वयंसेवी संस्था यांच्या संयुक्त विद्यमाने गरजू विद्यार्थ्यांना नुकतेच टॅबचे वितरण करण्यात आले. जिल्हा न्यायालयाच्या सभागृहात आयोजित या कार्यक्रमाला न्यायाधीश एस. पी. मोरे उपस्थित होते.

National Media News 25/08/2021 Maharshtra

चाईल्ड हेल्पलाईन व कॅफे संस्थेच्यावतीने गरजू विद्यार्थ्यांना शिक्षणासाठी टॅबचे वितरण नागपूर दि. 25 : - चाईल्ड हेल्पलाईन व जिल्हा विधी सेवा प्राधिकरण तथा चाईल्ड ॲडाप्शन फॉर एज्युकेशन (कॅफे) स्वयंसेवी संस्था यांच्या संयुक्त विद्यमाने गरजू विद्यार्थ्यांना नुकतेच टॅबचे वितरण करण्यात आले. जिल्हा न्यायालयाच्या सभागृहात आयोजित या कार्यक्रमाला न्यायाधीश एस. पी. मोरे उपस्थित होते. कोविडमुळे प्रत्यक्ष शिक्षणापेक्षा ऑनलाईन शिक्षणावर भर देण्यात येत आहे. यावेळी गरजू विद्यार्थ्यांच्या शिक्षणात खंड पडू नये, यासाठी चाईल्ड लाईनने पुढाकार घेतला व कॅफे संस्थेच्या सौजन्याने गरजू मुलांना टॅब वितरण केले. चाईल्ड ॲडाप्शन फॉर एज्युकेशन (कॅफे) मार्फत आतापर्यंत 80 विद्यार्थ्यांना टॅब देण्यात आले आहे. तसेच पहीली ते पाचवी वर्गापर्यंतच्या विद्यार्थ्यांना शाळेचा गणवेशासहीत अन्य साहित्याची किट उपलब्ध करून देण्यात आली आहे. संस्था गेल्या बारा वर्षापासून सामाजिक क्षेत्रात कार्यरत असून आतापर्यत 35 हजारावरून अधिक गरजू विद्यार्थ्याना शैक्षणिक साहित्याचे वाटप करण्यात आल्याचे संस्थाध्यक्ष डॉ. संजय त्रिवेदी यांनी सांगितले. श्रध्दानंद अनाथालय, आशा किरण, राहुल बाला सदन, अनुग्रह अनुराधा बालगृह, युवाज्योती या संस्थेतील विद्यार्थ्यांना टॅब वितरीत करण्यात आले. संकटात सापडलेल्या तसेच मदतीची व सरंक्षणाची गरज असलेल्या मुला-मुलींसाठी केंद्र सरकारच्या महिला व बालविकास मार्फत चाईल्ड लाईन 1098 ही हेल्पलाईन चालविली जाते. महिला बालविकास विभाग, बाल संरक्षण समिती, चाईल्ड लाईन व पोलीस हे सर्व विभाग समन्वयाने लहान मुलासंदर्भातील गुन्ह्यांना आळा घालण्यासाठी प्रयत्न करतात. कार्यक्रमाला विधी सेवा प्राधिकरणाचे सचिव अभिजीत देशमुख, महिला व बालविकास अधिकारी अर्पणा कोल्हे, बाल संरक्षण अधिकारी मुश्ताक पठाण, हेल्पलाईन चॅरीटेबल ट्रस्टचे अध्यक्ष डॉ. संजय त्रिवेदी, चाईल्ड लाईनचे संचालक डॉ. केशव वाळके, डॉ. सरोज कोल्हे, फादर हेराल्ड आणि जिल्हा समन्वयक श्रध्दा टल्लू, यासह चाईल्ड लाईनची चमु उपस्थित होते.(दि.25 ऑगष्ट 2021)