महाविकास आघाडीने लुस्त केलेल्या महाराष्ट्राला सशक्त करणारा अर्थसंकल्प , खा.डॉ.अनिल बोंडे यांचे प्रतिपादन

सर्वश्रेष्ठ राज्य निर्माण व्हावे, यासाठी राज्याचे उपमुख्यमंत्री तथा वित्तमंत्री देवेंद्रजी फडणवीस यांनी राज्याचा अर्थसंकल्प सादर केला

National Media News 12/03/2023 Maharshtra

नागपूर, दि.१२ मार्च 2023 :- शेतकरी समृद्ध, शेती उन्नत त्यातून सर्वश्रेष्ठ राज्य निर्माण व्हावे, यासाठी राज्याचे उपमुख्यमंत्री तथा वित्तमंत्री देवेंद्रजी फडणवीस यांनी राज्याचा अर्थसंकल्प सादर केला. महिला-मुली, युवा-तरुण, उद्योजक, या सर्वांना मजबूत पाठबळ या अर्थसंकल्पामुळे मिळणार आहे. सर्व विभागांना वंचितांना न्याय देणाऱ्या या पंचामृत अर्थसंकल्पामुळे महाराष्ट्राला उभारी मिळेल, असे मत आज नागपूर येथील पत्रकार परिषदेत खा. डॉ. अनिल बोंडे यांनी नोंदविले. अमृतकाळात महाराष्ट्राला प्रगतीकडे घेऊन जाणाऱ्या या अर्थसंकल्पाची विरोधकांकडून सुद्धा प्रशंसा होत आहे, असेही ते म्हणाले. उपमुख्यमंत्री देवेंद्र फडणवीस यांनी सादर केलेल्या अर्थसंकल्पात संदर्भात माहिती देताना डॉ.अनिल बोंडे म्हणाले, शाश्वत शेती समृद्ध शेतकरी महिला आदिवासी मागासवर्ग ओबीसींसह सर्व समाज घटकांचा सर्व समावेशक विकास, भरीव भांडवली गुंतवणूक करून पायाभूत सुविधा विकास, रोजगार निर्मिती, सक्षम कुशल रोजगार क्षम युवा, पर्यावरण पूरक विकास, नमो शेतकरी महासन्मान निधी योजना या माध्यमातून महाराष्ट्रातील शेतकऱ्यांना आता बारा हजार रुपयांचा सन्मान निधी दिला जाणार आहे. प्रधानमंत्री कृषी सन्मान निधी योजनेत राज्य सरकारची भर पडली आहे. प्रति शेतकरी प्रति वर्ष सहा हजार रुपये राज्य सरकार देणार आहे. केंद्राचे 6000 आणि राज्याचे 6000 असे 12000 रुपये प्रति वर्ष शेतकऱ्यांना मिळेल. तसेच शेतकऱ्याच्या समृद्धीसाठी महाराष्ट्रातील महा कृषी विकास अभियान, कर्ज माफी योजनांचा लाभ, मागेल त्याला शेततळे, नैसर्गिक शेतीला प्रोत्साहन नागपूर येथे कृषी सुविधा केंद्र विदर्भात संत्रा प्रक्रिया केंद्र, शेतकऱ्यांना अन्नधान्या ऐवजी थेट रोखीने आर्थिक मदत, शेतमाल विक्रीसाठी आलेल्या शेतकऱ्यांना निवारा भोजन, शेतकऱ्यांसाठी ट्रांसफार्मर योजना, प्रलंबित कृषी पंपांना वीज जोडण्या, सिंचन पाणी नदीजोड प्रकल्पांना पाठबळ, सिंचनाचे विविध प्रकल्प पूर्ण होतील, आशा-स्वयंसेविका, अंगणवाडी सेविकांच्या मानधनात वाढ, विविध समाज घटकांच्या संस्थांना भरीव निधी देण्यात आला असल्याची माहिती सुद्धा खासदार डॉ. अनिल बोंडे यांनी दिली. नागपुरला काय मिळाले नागपूर गोवा मार्गासाठी 86300 कोटी, नागपूर मेट्रो टप्पा दोनसाठी 6708 कोटी, मिहान प्रकल्पासाठी शंभर कोटी, नागपूर विभागीय क्रीडा संकुलासाठी 100 कोटी, डॉ. पंजाबराव देशमुख कृषी महाविद्यालयात आंतरराष्ट्रीय कृषी सुविधा केंद्रासाठी 228 कोटी, शिवचरित्रावरील उद्यानासाठी 50 कोटी, राष्ट्रसंत तुकडोजी महाराज नागपूर विद्यापीठाला 50 कोटी, नागपूर, काटोल, कळमेश्वरमध्ये संत्री प्रक्रिया केंद्रासाठी 20 कोटी, विदर्भ साहित्य संघाच्या शताब्दी वर्षानिमित्त दहा कोटी, जगनाडे महाराज आर्ट गॅलरीसाठी सहा कोटी, लक्ष्मीनारायण इन्स्टिट्यूट ऑफ टेक्नॉलॉजी नागपूरला अभिमत विद्यापीठाचा दर्जा, महाराष्ट्र विधी विद्यापीठ नागपूरला इमारत बांधकामासाठी निधी, नागपूर विमानतळाचा विस्तार, 1000 एकरवर लॉजिस्टिक हब इकॉनॉमी पार्क, नागपूरच्या गोरेवाडा प्राणी संग्रहालयात आफ्रिकन सफारी व पक्षी उद्यान, नागपूरमध्ये नवीन व्यसनमुक्ती केंद्र देण्यात आल्याचे सुद्धा डॉ. अनिल बोंडे यांनी सांगितले. पत्रकार परिषदेला भाजपचे महामंत्री रामभाऊ आंबुलकर, प्रदेश मंत्री अर्चनाताई डेहनकर, महामंत्री नरेंद्र बोरकर आदी उपस्थित होते. विदर्भाला काय मिळाले मोर्शी, बुलढाणा जिल्ह्यात संत्री प्रक्रिया केंद्र, अमरावती शिवचरित्रावरील उद्यानासाठी 50 कोटी, पूर्व विदर्भातील गोसेखुर्द प्रकल्पाला पंधराशे कोटी, अमरावतीच्या हनुमान व्यायाम प्रसारक मंडळाला अभिमत विद्यापीठाचा दर्जा, रिद्धपूरला (अमरावती जिल्हा) मराठी भाषा विद्यापीठ, आष्टी (वर्धा) येथे स्वातंत्र्य लढ्यानिमित्त स्मारक, अमरावती गाडगेबाबा समाधीस्थळ विकासासाठी 25 कोटी, अमरावती रासू गवई स्मारकासाठी 25 कोटी, शासकीय ज्ञान विज्ञान संस्था अमरावतीसाठी 50 कोटी, बेलोरा (अमरावती) शिवनी (अकोला) विमानतळ विकास, अमरावती, भंडारा, गडचिरोली, वर्धा, बुलढाणा जिल्ह्यातील शासकीय वैद्यकीय महाविद्यालय बांधकामासाठी निधी, रिद्धपूर (अमरावती) काटोल भीष्णूूर (नागपूर) येथील चक्रधर स्वामी महानुभाव धार्मिक स्थळांचा विकास, विदर्भातील जंगल सत्याग्रहाची तीन ठिकाणी स्मारके निर्माण होणार असल्याचे डॉ. बोंडे यांनी सांगितले. (दि.12 मार्च 2023)