अमरावतीच्या साडेतीन लाख कुटुंबांपर्यंत पोहचा! संपर्क से समर्थन अभियान, कार्यकर्त्यांशी संवाद,

लोकसभा प्रवासात 2024 मध्ये मोदींनाच मिळणार समर्थन ! प्रदेशाध्यक्ष चंद्रशेखर बावनकुळे यांचा दावा,अमरावतीच्या साडेतीन लाख कुटुंबांपर्यंत पोहचा

National Media News 25/08/2023 Maharshtra

अमरावती, दि. 25.ऑगष्ट.2023 :- लोकसभा प्रवासात २०२४ मध्ये मोदींनाच मिळणार समर्थन ! प्रदेशाध्यक्ष चंद्रशेखर बावनकुळे यांचा दावा,अमरावतीच्या साडेतीन लाख कुटुंबांपर्यंत पोहचा ! संपर्क से समर्थन अभियान, कार्यकर्त्यांशी संवाद, मान्यवरांच्या भेटी, मागील ९ वर्षांत पंतप्रधान नरेंद्र मोदी सरकारने राबविलेल्या जनकल्याणाच्या योजना, देशाचा चहुबाजूने झालेला विकास, गरिबांचे कल्याण व नुकतेच झालेले यशस्वी चंद्रयान मिशन यामुळे देशात सर्वत्र उत्साहाचे वातावरण आहे. २०२४ च्या लोकसभा निवडणुकीत पंतप्रधान मोदी यांनाच समर्थन देण्याचा निर्धार जनतेने केला आहे. त्याचे प्रतिबिंब जनसवांद यात्रेतून दिसून येत असल्याचा दावा भारतीय जनता पार्टीचे प्रदेशाध्यक्ष श्री चंद्रशेखर बावनकुळे यांनी केला. शुक्रवारी अमरावती लोकसभा प्रवासात ते भाजपा कार्यकर्त्यांना मार्गदर्शन करीत होते. प्रदेशाध्यक्ष श्री चंद्रशेखर बावनकुळे यांच्या राज्यव्यापी लोकसभा प्रवासात शुक्रवारी 25 ऑगस्ट रोजी त्यांनी अमरावती लोकसभा क्षेत्राचा दौरा केला. या प्रवासात त्यांनी अमरावती लोकसभा क्षेत्रातील सर्व 6 विधानसभा मतदारसंघातील प्रमुख पदाधिकाऱ्यांशी संवाद साधला व संपर्क से समर्थन अभियानात सहभागी झाले. ते म्हणाले, आगामी विधानसभा निवडणुकीपर्यंत प्रत्येक लोकसभा क्षेत्रातील सर्व विधानसभा क्षेत्रात ६०० कार्यकर्ते दररोज ‘घर चलो अभियान’ राबविणार आहेत. अमरावती जिल्ह्यातील साडेतीन लाख कुटुंबांपर्यंत पोहचण्याचा प्रयत्न भाजपा कार्यकर्त्यांचा असावा, असे आवाहन त्यांनी कार्यकर्त्यांना केले. शुक्रवारी सकाळी परतवाडा येथील छत्रपती शिवाजी महाराज यांच्या पुतळ्याला माल्यार्पण करून त्यांनी दौऱ्याची सुरुवात केली. त्यानंतर दुराणी चौक ते सदर बाजारपर्यंत, संपर्क से समर्थन अभियानात सहभागी झाले. परतवाडा येथे अचलपूर व दर्यापूर तर अमरावती शहरात बडनेरा, तिवसा व अमरावती विधानसभा क्षेत्रातील मतदारसंघांतील भाजपा पदाधिकाऱ्यांशी संवाद साधला. सायंकाळी अमरावती येथे जयस्तंभ चौक ते जवाहर गेट परिसरात घर चलो अभियानात सहभागी झाले. या लोकसभा प्रवासात परतवाडा येथे विश्व हिंदू परिषदेचे ज्येष्ठ कार्यकर्ते सुनील खानझोडे व अमरावती येथे श्री शिवाजी शिक्षण संस्थेचे संचालक हेमंत काळमेघ यांची स्नेह भेट घेतली. ख्यातनाम डॉक्टर स्व. रमेश गोडबोले यांच्या कुटुंबीयांची भेट घेत त्यांनी संवेदना व्यक्त केली. नवनीत राणांनी कमळावर लढावे, विदर्भात भाजपची ताकद मोठी आहे. आगामी अमरावतीलोकसभा मतदारसंघातही भाजपचाच उमेदवार देण्यात यावा, असा प्रदेशाध्यक्ष म्हणून माझा आग्रह असेल. खासदार नवनीत राणा या देखील एनडीएचा घटक आहेत. त्यामुळे त्यांनी अमरावती लोकसभेची निवडणूक ‘कमळ’ याच चिन्हावर वर लढवावी, असा आमचा प्रयत्न आहे. तथापि, हा निर्णय भाजपच्या पार्लमेंटरी बोर्ड घेईल तो आम्हाला मान्य राहील, असे श्री बावनकुळे यावेळी म्हणाले. ठाकरेंच्या पक्षाचे यान भरकटले! ज्यांच्या पक्षाचे यान पूर्णपणे भरकटले आहे ते उद्धव ठाकरे आज चांद्रयान मोहीमेवरून आदरणीय पंतप्रधान नरेंद्र मोदी यांच्यावर टीका करत आहेत. करोना काळात जे घरात बसून जागतिक आरोग्य संघटनेला सल्ला देऊ शकतात. त्यांच्यासाठी चांद्रयानावर बोलणं म्हणजे आश्चर्य नाही. संपूर्ण जगात चांद्रयान मोहिमेच्या यशाबद्दल भारताचे कौतुक होत असताना आणि या यशाचा संपूर्ण भारतीय आनंद साजरा करीत असताना उद्धव ठाकरे आणि संजय राऊत यांना पोटदुखीचा त्रास सुरू झाला आहे, असाही टोला श्री बावनकुळे यांनी उद्धव ठाकरे यांना लगावला. शरद पवारांचे मतपरिवर्तन होणार! गेल्‍या नऊ वर्षांच्‍या भाजपा सरकारच्‍या कार्यकाळात पंतप्रधान नरेंद्र मोदी यांच्‍या नेतृत्‍वातील कामगिरी पाहता राष्‍ट्रवादी कॉंग्रेसचे नेते शरद पवार यांचेही लवकरच मतपरिवर्तन होईल आणि ते खासदार सुप्रिया सुळे यांच्‍यासह मोदींच्‍या नेतृत्‍वाला मदत करतील. एकनाथ शिंदे यांनी हिंदुत्‍वाचा विचार घेऊन भाजपाला पाठिंबा दिला आहे. अजित पवार यांनीदेखील नरेद्र मोदी यांच्‍या नेतृत्‍वाचे समर्थन करून २१ व्‍या शतकातील समर्थ भारत निर्माण करण्‍याची क्षमता केवळ मोदींमध्‍येच आहे, असेही श्री बावनकुळे यांनी सांगितले. (दि.25 ऑगष्ट 2023) भाजपाला पाठिंबा दिला आहे. अजित पवार यांनीदेखील नरेद्र मोदी यांच्‍या नेतृत्‍वाचे समर्थन करून २१ व्‍या शतकातील समर्थ भारत निर्माण करण्‍याची क्षमता केवळ मोदींमध्‍येच आहे, असेही श्री बावनकुळे यांनी सांगितले. (दि.25 ऑगष्ट 2023)