निष्ठावंत जो असतो तोच यशस्वी होतो- एडुसन फाउंडेशनचे चर्चासत्र यशस्वी

एडुसन फाउंडेशन येथे नुकत्याच झालेल्या ३१ ऑक्टोबर रोजी १२ वी विज्ञान शाखेच्या विद्यार्थ्यांकरीता सरदार वल्लभभाई पटेल यांच्या जयंतीनिमित्त प्रेरणादायी चर्चासत्राचे आयोजन

National Media News 06/11/2023 Maharshtra

नागपूर : नवीन सुभेदार, नागपूर येथील एडुसन फाउंडेशन येथे नुकत्याच झालेल्या ३१ ऑक्टोबर रोजी १२ वी विज्ञान शाखेच्या विद्यार्थ्यांकरीता सरदार वल्लभभाई पटेल यांच्या जयंतीनिमित्त प्रेरणादायी चर्चासत्राचे आयोजन करण्यात आले होते. या प्रसंगी सानिध्य फाउंडेशनचे अध्यक्ष व तरुण प्रेरक वक्ता, जगमान्य पुरस्कार प्राप्त, यश महेंद्र देशमुख यांनी मुलांना प्रभावी प्रेरणादायी मार्गदर्शन केले. आजच्या पिढीतील मुलांनी यशस्वी होण्याकरता स्वतःच्या कार्याप्रति निष्ठावंत असणे किती गरजेचे आहे व जिद्द जोपासल्यानेच यश मिळते हे उत्तम उदाहरणाद्वारे पटवून दिले.स्वप्नांना जेव्हा दृढनिश्चयाची जोड दिली जाते तेव्हा ते अशा शक्तीचे रूप धारण करतात की ते सामान्य माणसालाही असाधारण बनवतात असे प्रतिपादन त्यांनी केले. त्याचबरोबर त्यांनी मुलांना एकाग्रता वाढण्याकरिता काही उपाय सुचविले. एडुसन फाउंडेशन चे अध्यक्ष नीलेश काळे यांनी मुलांना जीवन - कौशल्य यावर आधारित मार्गदर्शन केले. कार्यक्रमाला अनिल पाटील प्रमुख पाहुणे म्हणून उपस्थित होते.(दि.31ऑक्टोंबर 2023)