रे निओ फार्माचा नागपूरमध्‍ये शुभारंभ

आरोग्यसेवा देण्यास कटिबद्ध रे निओ फार्मा या पुढील पिढीच्या फार्मास्युटिकल कंपनीने नागपूरमध्ये आपल्या व्यावसायिक कामकाजाची अधिकृत सुरुवात केली

National Media News 29/05/2026 Maharshtra

नागपूर, २७ मे २०२६: गुणवत्तापूर्ण आणि रुग्ण-केंद्रित आरोग्यसेवा देण्यास कटिबद्ध रे निओ फार्मा या पुढील पिढीच्या फार्मास्युटिकल कंपनीने नागपूरमध्ये आपल्या व्यावसायिक कामकाजाची अधिकृत सुरुवात केली आहे. मध्य भारतातील वेगाने वाढणाऱ्या आरोग्य बाजारपेठेत कंपनीचा हा एक धोरणात्मक विस्तार आहे. शहरात आयोजित एका पत्रकार परिषदेत ही घोषणा करण्यात आली, जिथे कंपनीच्या नेतृत्वाने त्यांचे दीर्घकालीन उद्दिष्ट प्रादेशिक विस्ताराचा आराखडा आणि महाराष्ट्र व संपूर्ण विदर्भ क्षेत्रात परवडणारी व विश्वासार्ह औषधे उपलब्ध करून देण्याप्रती कटिबद्धतेविषयी माहिती दिली. पश्चिम आणि मध्य भारतातील आपल्या विकास धोरणामध्ये नागपूरला एक प्रमुख बाजारपेठ म्हणून स्थान देत रे निओ फार्मा विदर्भ आणि आसपासच्‍या परिसरासाठी नागपूरचे वैद्यकीय आणि रेफरल हब म्हणून असलेले महत्त्व अधोरेखित करत आहे. अनेक टियर - २ टियर-३ शहरे आणि ग्रामीण भागातील रुग्ण प्रगत उपचारांसाठी नागपूरवर अवलंबून असल्याने या भागात आरोग्यसेवांची उपलब्धता, उपचारांमधील सातत्य आणि रुग्णांना आवश्यक सहकार्य देण्याच्या उत्तम संधी कंपनीला दिसत आहेत. सध्या नागपूरमधील आरोग्य क्षेत्राचे चित्र झपाट्याने बदलत आहे. जुनाट आणि जीवनशैलीशी संबंधित आजारांचे वाढते प्रमाण, आरोग्याविषयी वाढती जागरूकता आणि विश्वासार्ह उपचार पद्धतींची मागणी यांमुळे हा बदल होत आहे. पण या भागातील आरोग्य पायाभूत सुविधांचा विकास होत असला तरी विश्वासार्ह औषधांची उपलब्धता, दीर्घकालीन उपचारांचा परवडणारा खर्च आणि निमशहरी भागात दर्जेदार आरोग्य सेवांचे सातत्य राखणे ही अजूनही मोठी आव्हाने आहेत. रे निओ फार्माचा परवडणारी औषधे औषधांचा सातत्यपूर्ण पुरवठा, नैतिक वैद्यकीय पद्धती आणि डॉक्टर व वितरकांशी दृढ भागीदारी यांवर लक्ष केंद्रित करून ही आव्हाने दूर करण्याचा मनसुबा आहे. तसेच कंपनीने जुनाट आजारांचे व्यवस्थापन, उपचारांचे नियम पाळणे आणि वेळेवर उपचार घेणे यांबाबत रुग्णांमध्ये जागरूकता आणि शिक्षण निर्माण करण्याच्या महत्त्वावरही भर दिला आहे. नागपूरमध्‍ये आरोग्यसेवांची मागणी आता तीव्र स्वरूपाच्या आजारांच्या उपचारांकडून हळूहळू जुनाट आजारांवरील उपचार आणि प्रतिबंधात्मक आरोग्यसेवांकडे वळत आहे. महाराष्ट्र आणि मध्य भारतातील रुग्णांच्या या बदलत्या गरजा लक्षात घेऊन रे निओ फार्मा प्रामुख्याने अँटीबायोटिक्स, मधुमेह नियंत्रण, पोटाचे विकार वेदना आणि सांधेदुखी व्यवस्थापन, श्वसन आणि एलर्जी नियंत्रण, हृदयरोग नियंत्रण आणि त्वचारोग यांसारख्या प्रमुख उपचार क्षेत्रांवर लक्ष केंद्रित करत आहे. रे निओ फार्मा तीव्र आणि जुनाट आजारांवरील उपचारांसाठी ९० हून अधिक फॉर्म्युलेशन्सचा पोर्टफोलिओ बाजारपेठेत आणत आहे, तसेच अनेक प्रगत औषध रचनांवर सध्या संशोधन आणि विकास सुरू आहे. वैद्यकीय क्षेत्र व रुग्णांमध्ये दीर्घकालीन विश्वास निर्माण करतानाच सुलभ, परवडणाऱ्या आणि गुणवत्तापूर्ण आरोग्यसेवा प्रदान करणे हा कंपनीच्या कार्यपद्धतीचा मुख्य पाया आहे. अमित पटनी यांनी स्थापन केलेल्या रे निओ फार्माला तंत्रज्ञान, उत्पादन, आरोग्य पायाभूत सुविधा आणि वित्त यांसारख्या विविध क्षेत्रांमधील उत्कृष्ट व्यावसायिक वारसा लाभलेला आहे. विविध क्षेत्रांतील याच अनुभवाच्या जोरावर आरोग्य क्षेत्रात दीर्घकालीन आणि सकारात्मक प्रभाव निर्माण करण्यासाठी आधुनिक, चपळ आणि नैतिक मूल्यांवर आधारित फार्मास्युटिकल व्यवसाय उभा करणे हे कंपनीचे उद्दिष्ट आहे. या लाँचप्रसंगी मत व्‍यक्त करत रे निओ फार्माचे संस्थापक अमित पटनी म्हणाले नागपूर हे मध्य भारतातील एक महत्त्वाचे हेल्थकेअर कॉरिडॉर (आरोग्य केंद्र) म्हणून वेगाने पुढे येत आहे, जे फक्त या शहराचीच नव्हे, तर विदर्भ आणि आसपासच्या परिसरातील अधिकाधिक व्‍यक्तींच्‍या आरोग्यविषयक गरजा पूर्ण करते. येथे आरोग्याच्या पायाभूत सुविधांचा विस्तार होत असताना विशेषतः जुनाट आजारांवरील उपचार आणि प्रतिबंधात्मक आरोग्यसेवेच्या क्षेत्रात परवडणाऱ्या, विश्वासार्ह आणि गुणवत्तापूर्ण औषधांची अजूनही मोठी गरज आहे. रे निओ फार्मामध्ये आमचे औषधांची खात्रीशीर उपलब्धता सुनिश्चित करणे दीर्घकालीन आरोग्य व्यवस्थापनाविषयी जागरूकता वाढवणे आणि गुणवत्ता, नैतिकता व रुग्ण-प्रथम सेवेवर आधारित विश्वासार्ह आरोग्य परिसंस्था निर्माण करणे यांद्वारे या गरजा पूर्ण करणे हे ध्येय आहे. आम्‍ही आरोग्य क्षेत्रात महत्त्वपूर्ण आणि शाश्वत प्रभाव निर्माण करण्यासाठी महाराष्ट्रातील डॉक्टर आरोग्य क्षेत्रातील व्यावसायिक आणि वितरकांसोबत एकत्र काम करण्यास उत्सुक आहोत. कंपनी सध्या महाराष्ट्र मध्य प्रदेश, उत्तर प्रदेश, बिहार, दिल्ली-एनसीआर आणि भारतातील इतर वेगाने वाढणाऱ्या आरोग्यसेवा बाजारपेठांमध्ये आपल्या व्यवसायाचा विस्तार करत आहे. धोरणात्मक उत्पादन भागीदारी आणि कॉर्पोरेट गव्हर्नन्स संशोधन व गुणवत्ता हमी यांवर विशेष भर देणाऱ्या सक्षम ऑपरेटिंग मॉडेलसह रे निओ फार्माचा देशभरातील डॉक्टर आरोग्य सेवा पुरवठादार आणि रुग्णांसाठी विश्वासार्ह आरोग्‍यसेवा सहयोगी म्हणून नावारूपास येण्याचा मनसुबा आहे. फार्माचा देशभरातील डॉक्टर आरोग्य सेवा पुरवठादार आणि रुग्णांसाठी विश्वासार्ह आरोग्‍यसेवा सहयोगी म्हणून नावारूपास येण्याचा मनसुबा आहे.