नागपूर मध्यवर्ती कारागृह रक्षाबंधन निमित्य कारागृह निर्मित वस्तुचे प्रदर्शन व विक्री केंद्राचा उद् घाटन सोहळा

नागपूर मध्यवर्ती कारागृह रक्षाबंधन निमित्य कारागृह निर्मित वस्तुचे प्रदर्शन व विक्री केंद्राचे उद्घाटन नागपूरचे पोलीस आयुक्त विश्वास नागरे पाटील यांच्या शुभहस्ते संपन्न

National Media News 18/08/2026 Maharshtra

नागपूर,दिनांक . १८ ऑगष्ट २०२६ रक्षाबंधन सणानिमित्य नागपूर मध्यवर्ती कारागृहातील महिला बंदयांनी तयार केलेल्या राख्या तसेच बंदयानी तयार केलेल्या विविध वस्तुंचे प्रदर्शन व विक्री केंद्राचे उद्घाटन दिनांक १८.०८.२०२६ रोजी सकाळी ०९.३० वाजता मा. विश्वास नांगरे पाटील (भा.पो.से.), पोलीस आयुक्त, नागपूर शहर, नागपूर यांचे शुभहस्ते करण्यात येणार आहे. सुधारणा व पुनर्वसन हे कारागृह विभागाचे ब्रिद वाक्य असुन कारागृहामध्ये लोहारकाम, विणकाम, सुतारकाम, बेकरी, पॉवरलूम, हातमाग, खड्डामाग, लॉन्ड्री, कार वॉशिंग सेंटर, मिंडासाई जॉब वर्क इ. प्रकारचे उद्योग कार्यान्वित आहेत. कारागृहातील या उद्योगामध्ये बंदयांना विविध प्रकारचे व्यावसायिक कौशल्य प्रशिक्षण व रोजगार देण्यात येते. तसेच बंदयांनी सदर विभागात काम केल्यावर केलेल्या कामाचे त्यांना वेतन देण्यात येते. कारागृह उद्योगात बंदयांनी तयार केलेल्या विविध प्रकारच्या लाकडी, लोखंडी, कापडी व इतर शोभेच्या वस्तू या सामान्य नागरीकांना विक्रीकरीता रक्षाबंधन, दसरा व दिवाळी या सनानिनिमित्य उपलब्ध करुन देण्यात येतात. यावर्षी सुध्दा मा. डॉ. सुहास वारके, अपर पोलीस महासंचालक व महानिरीक्षक, कारागृह व सुधारसेवा, महाराष्ट्र राज्य पुणे यांचे प्रेरणेतुन व मा. श्री. योगेश देसाई, विशेष कारागृह महानिरीक्षक, कारागृह व सुधारसेवा, महाराष्ट्र राज्य, पुणे यांचे मार्गदर्शनाखाली कारागृहात बंदयांनी तयार केलेल्या वस्तु समाजातील लोकांपर्यंत पोहचाव्यात व बंदयांना देखील कारागृहात रोजगार उपलब्ध व्हावा या उद्देशाने बंदयांना विविध प्रकारचे प्रशिक्षण देऊन त्यांचेकडुन आकर्षक वस्तुंचे उत्पादन कारागृहात करण्यात आले आहे. सदरच्या वस्तु विक्रीकरीता नागपूर मध्यवर्ती कारागृहाचे विक्री केंद्र, वर्धा रोड, रहाटे कॉलनी, मेट्रो स्टेशनच्या बाजुला, कारागृह परीसर, नागपूर या ठिकाणी कारागृह निर्मित वस्तुंचे विक्री केंद्र उभारण्यात आलेले आहे. या विक्री केंद्रामार्फत विविध वस्तु तसेच खास रक्षाबंधन सणानिमित्य महिला बंदयांनी तयार केलेल्या राख्या, इतर बंदयांनी तयार केलेल्या हातमाग साड्या, लाकडी व लोखंडी वस्तु, शोपिस, दऱ्या, आसनपट्टी, कपडे, चादर, टॉवेल, हातरुमाल इ. वस्तू विक्रीसाठी उपलब्ध आहेत. सदरचे विक्री केंद्र हे सर्व नागरीकांसाठी सकाळी ९.०० ते रात्री ८.०० वाजेपर्यंत सुरु ठेवण्यात येणार आहे. आपण देखील एक समाजाचा घटक आहोत आणि आपण देखील समाजाचे काही देणे लागतो या भावनेने समाजाविषयी कृतज्ञतेची भावना ठेवण्याच्या दृष्टीने कारागृहातील महिला व पुरुष बंदी बांधवांनी बनविलेल्या अत्यंत सुबक व कलाकुसरीच्या वस्तुंचे प्रदर्शन व विक्री रक्षाबंधन मेळाव्याचे माध्यमातुन करण्यात येत आहे, रक्षाबंधन मेळाव्याद्वारे आमचे बंदीबांधव या माध्यमातुन एक संदेश देवू ईच्छीतात की, आज जरी आम्ही या रक्षाबंधन सणाला आमच्या कुटुंबीयांपासुन दुर असलो तरी, आम्ही बनविलेल्या या राख्या व इतर वस्तुच्या माध्यमातुन अनेकांच्या घरात रक्षाबंधन साजरा होणार आहे.आपण सर्वांनी आमच्या रक्षाबंधन मेळाव्याला भेट देवून कारागृह प्रशासनाचा व बंदी बांधवांचा उत्साह द्विगुणीत करावा. असे आवाहन कारागृह अधीक्षक श्री. वैभव सु. आगे यांचेमार्फत करण्यात येत आहे. (वैभव सु. फॉरवर्ड) अधीक्षक नागपूर मध्यवर्ती कारागृह नागपूर.